ராணி காமிக்ஸ் வேட்டை வீரர் டேவிட் பாத்திரத்தில் நடித்த நடிகர் மரணம்

கழக கண்மணிகளே, உடன் பிறப்பே, ரத்தத்தின் ரத்தமே,

வணக்கம்.

சமீப காலங்களில் பணிச்சுமை காரணமாக என்னால் பதிவுகள் இடவோ அல்லது கமெண்டுகள் இடவோ இயலவில்லை. சக காமிக்ஸ் நண்பர்கள் மன்னிக்கவும். ஆனால், விபத்தினால் ஒரு கையுடன் நம்முடைய ஓலைக காமிக்ஸ் ரசிகர் தினமும் ஒரு பதிவினை இடும்போது நாம் ஒரு குரும்பதிவாவது இட்டே தீரவேண்டும் என்று முடிவெடுத்து விட்டு இன்று இந்த பதிவினை ஆரம்பிக்கிறேன். இனிமேல் வாரம் ஒரு பதிவினையும் இட்டு விடுவது என்ற தீர்மானத்தையும் இங்கு முன்வைக்கிறேன்.

நேற்று வழமை போல வலைதளங்களில் ஊர்ந்துகொண்டு இருந்தபோது நான் படித்த ஒரு தகவல் என்னை மிகவும் வருத்தத்தில் ஆழ்த்தியது. அதாவது பெஸ் பார்க்கர் (Fess parker) என்ற ஹாலிவுட் நடிகர் சிவப்ராப்தி பெற்றார் என்பதே அந்த தகவல்.

யார் இந்த நடிகர் என்று நினைப்பவர்களுக்கு ஒரு சிறு நினைவூட்டல். லயன் காமிக்ஸின் ஐம்பதாவது இதழ் டிராகன் நகரம் ஆகும். திகில் காமிக்ஸின் ஐம்பதாவது இதழ் கூட டெக்ஸ் வில்லரின் ஸ்பெஷல் இதழே ஆகும். ஆனால் ராணி காமிக்ஸின் ஐம்பதாவது இதழ் ஒரு சராசரியான கதையே. ஸ்பெஷல் அல்ல. அந்த ஐம்பதாவது புத்தகத்தினை பற்றிய விவரங்கள் இதோ:

ராணி ஐம்பதாவது இதழ் - பூனைத் தீவு - வேட்டை வீரர் டேவிட் - அட்டை	ராணி ஐம்பதாவது இதழ் - பூனைத் தீவு - வேட்டை வீரர் டேவிட் - முதல் பக்கம்

இந்த இதழை பற்றிய ஒரு முழு நீள விமர்சனத்திற்கு கிங் விஸ்வாவின் தமிழ் காமிக்ஸ் உலகின் இந்த பதிவினை படிக்கவும்: டேவி குரோக்கட்

அவரைப் பற்றி முழுவதும் தெரிந்து கொள்ள – Wikipedia

வால்ட் டிஸ்னி படங்களில் நடித்த பெஸ் பார்க்கர் பற்றி தெரிந்து கொள்ள – Wikipedia

Part 1 – King of wild life frontier -  IMDB Link

Part 2 – Davy crockett and the river pirates - IMDB Link

இதோ அந்த படங்களின் டிவிடி கவர் படங்கள்:

First Film: Not available                                                                          Part 1        Part 2      Part 3  Part 4

                                                                                                                       Part 5        Part 6      Part 7  Part 8

உண்மையில் இந்த படங்களின் டவுன்லோட் லின்க்குகள் வலைதளங்களில் கிடைக்கின்றன. என்னுடைய நேரமின்மை காரணமாக முதல் பட டவுன்லோடுகளை அளிக்க இயலாமைக்கு வருந்துகிறேன். மிகவும் விறுவிறுப்பாக இருக்கும் அந்த படங்கள். நண்பர்கள் லக்கி லிமட், ரமேஷ், ரவீந்தர் போன்றவர்களில் லிங்க் உள்ள யாராவது ஒருவர் இதனை இங்கு தருவித்தால் மற்றவர்களும் பார்த்தது மகிழலாம், (நானே டவுன்லோட் செய்து தான் பார்த்தேன்).

புதிய வாசகர்கள் என்னுடைய பழைய பதிவுகளை தெரிந்து கொள்ள,

எனது முந்தைய பதிவில் வந்த பட விபரங்கள்

1. டெக்ஸ் வில்லர் படம் - லார்ட் ஆப் த டீப்

2. குண்டன் பில்லி - மினி லயன் ஹீரோ படங்கள்

3. டேன்ஜர் டையபாலிக் - லயன் காமிக்ஸ் ஹீரோ படம்

4. மதி இல்லா மந்திரி (அ) இஸ்நோகுட் - திரைப்படம்

5. ரன்-டன்-ப்ளான்:லக்கிலுக்’ன் சக பாத்திரம்

6. சிஸ்கோ கிட் - அருமையான கௌபாய் படம்

7. விஸ்கி - சுஸ்கி மினி லயன் காமிக்ஸ் அறிமுகம்

காமிக்ஸ் சினிமா அல்லாத என்னுடைய பிற பதிவுகள்

1. ரகசிய ஏஜன்ட் ரஜினி காந்த் பூந்தளிர் காமிக்ஸ்

2.லயன் காமிக்ஸ் இதில் வராத ஸ்பைடரின் எழுத்து கதை

3. தினத் தந்தி பேப்பரில் வந்த ஏஜன்ட் காரிகனின் முழு வண்ண கதை

4. கிரைம் நாவல் மன்னன் ராஜேஷ்குமாரின் காமிக்ஸ் கதை

அடுத்த காமிக்ஸ் பதிவு மூலம் உங்களை சந்திக்கிறேன், விரைவில்.

நன்றிகள் எனக்கும் பாராட்டுகள் நமக்கும்

நீங்க நல்லவரா கெட்டவரா?

கழக கண்மணிகளே, உடன் பிறப்பே, ரத்தத்தின் ரத்தமே,

வணக்கம்.

சமீப காலங்களில் பணிச்சுமை காரணமாக என்னால் பதிவுகள் இடவோ அல்லது கமெண்டுகள் இடவோ இயலவில்லை. சக காமிக்ஸ் நண்பர்கள் மன்னிக்கவும். இந்த ஒரு செய்தியை கேள்விப்பட்டவுடன் என்னால் பதிவிடாமல் இருக்க இயலவில்லை. மணிரத்தினத்தின் நாயகன் படத்தில் வரும் இந்த வசனத்திற்கும் தலைப்புக்கும் என்ன சம்பந்தம் என்று வினவ வேண்டாம். முழவதுமாக படிக்கவும். பின்னர் இருக்கும் தொடர்பை நீங்களே உணர்வீர்கள்.

ஒரு நூலகத்தில், அதுவும் சிறுவர்கள் சரளமாக வந்து செல்லும் ஒரு நூலகத்தில் உள்ள ஒரு காமிக்ஸ் புத்தகத்தை மற்றவர்களை படிக்க விடாமல் செய்ததற்காக நூலகர் ஒருவர் வேலையிலிருந்து நீக்கப்பட்டார். சரி, தன்னுடைய கடமையில் இருந்து தவறியதற்காக அவரை வேலையிலிருந்து எடுத்து விட்டார்கள் என்று தானே நினைக்கிறீர்கள்? ஒரு பார்வையில் அவர் செய்தது சரிதான் என்றாலும் அவர் தன்னுடைய பார்வையில் சமுதாய பொறுப்புணர்ச்சியோடு செயல்பட்டார் என்று அவருடைய ஊர்க்கார்கள் அவரை பாராட்டுகிறார்கள்.

என்ன ஒரே குழப்பமாக இருக்கிறதா? சரி, சரி விளக்கமாக சொல்கிறேன். லீக் ஆப் எக்ஸ்ட்ராஆர்டினரி ஜென்டில்மேன் என்ற கதை உங்களுக்கு தெரியும்தானே? ஒரு மொக்கை படம்கூட வந்ததே? ஆம், அதே தான். அந்த படத்தை சார்ந்த கதையை ஒரு காமிக்ஸ் புத்தக தொடராக வெளியிட்டு வருகின்றனர். அதில் நான்காம் பாகம் தான் பிளாக் டாச்சியர் என்ற புத்தகம். அந்த புத்தகம் தான் நூலகத்தில் வைக்கப் பட்டு இருந்தது. ஒரு காமிக்ஸ் புத்தகம் நூலகத்தில் இருந்தால் தவறில்லை என்று தானே சொல்கிறீர்கள். ஆம், தவறில்லை தான். ஆனால் அந்த சிறுவர்கள் நூலகத்தில் இந்த புத்தகம் இருந்தது தவறாகும் என்று இந்த நூலகருக்கு பட்டது. ஏனென்றால் அந்த புத்தகத்தில் பல பக்கங்கள் முழு நிர்வாண காட்சிகள் இருக்கின்றன. அதனை சிறுவர்கள் படித்தால் அவர்கள் மனம் அலைபாயும் என்ற சிந்தனையில் அந்த நூலகர் நூலக அதிகாரிகளிடம் அந்த புத்தகத்தை நூலகத்தில் இருந்து நீக்க கோரினார்.

ஆனால், விருதுகள் வாங்கிய ஒரு புத்தகத்தை (2007 ஆம் ஆண்டின் சிறந்த காமிக்ஸ்) நீக்க நிர்வாகம் மறுத்து விட்டது. அதனால் மனம் நொந்த நூலகர் அந்த புத்தகத்தை தொடர்ந்து தானே எடுத்து சென்றார். பல மாதங்களாக அவரே ஒரு புத்தகத்தை தொடர்ந்து சென்றதை நூலக நிர்வாகிகள் கண்டித்தனர். பின்னர் வேறு ஒரு வாசகர் அந்த புத்தகத்தை படிக்க கோரி அதனை வான்டட் லிஸ்ட்டில் சேர்த்தார். ஆனால், நூலகர் ஆகியதால் இருக்கும் விசேஷ அதிகாரத்தை பயன்படுத்தி அந்த முயற்சியை தடுத்து விட்டார். ஏனென்றால் அந்த புத்தகத்தை கோரியது ஒரு பனிரெண்டு வயது சிறுமி.

இந்த விடயத்தை கேள்விப்பட்ட நிர்வாகம் அவரை வேலையில்  இருந்து நீக்கி விட்டது. இப்போது சொல்லுங்கள், அந்த நூலகர் நல்லவரா கெட்டவரா?