Wednesday, February 25, 2009

முன்னோட்டம் 2: லயன் காமிக்ஸ் இதழில் வராத ஸ்பைடர் கதைகள்

கழக கண்மணிகளே, உடன் பிறப்பே, ரத்தத்தின் ரத்தமே,

வணக்கம்.


சமீபத்திய பதிவான முன்னோட்டம் - ரகசிய ஏஜன்ட் ரஜினிகாந்த் காமிக்ஸ் பலருடைய வரவேற்பை பெற்று இருப்பது கண்டு நான் மிகவும் மகிழ்ச்சி அடைந்தேன்.
அனைவருக்கும் என்னுடைய நன்றிகள்.
இன்று காலையில் திரு கிங் விஸ்வா அவர்களின் வலைப்பூவில் பார்த்தால் திடீரென்று ரோபோ ஆர்ச்சி Vs ஸ்பைடர் கதையை நமது நண்பர் திரு லிமட் அவர்கள் பதிவாக இட்டு உள்ளது தெரிய வந்தது. அவருக்கு நமது பாராட்டுகள்.

சற்று யோசித்து பார்த்தவுடனே, நானும் இதனைப் போலவே பல கதைகளை டவுன்லோட் செய்து வைத்தது நினைவுக்கு வந்தது. உடனே என் நாமும் ஒரு பதிவு போடக் கூடாது? என்று யோசித்து பின்னர் அதனை செயல் படுத்தலாம் என்று முடிவெடுத்தேன்.

இதோ இங்கே உள்ள அட்டை படத்தை பாருங்கள். இதில் ஒரு உள்குத்து உள்ளது. அந்த உள்குத்து என்ன என்பதை யாராவது வாசகர்கள் கண்டு பிடிக்கிறார்களா என்பதே போட்டி.

நன்றிகள் எனக்கும் பாராட்டுகள் நமக்கும். மீண்டும் சந்திப்போம். விரைவில்.

Sunday, February 15, 2009

ரன்-டன்-ப்ளான்:லக்கிலுக் கதையில் அறிமுகமாகிய ஒரு அற்புத கதாபாத்திரம்

கழக கண்மணிகளே, உடன் பிறப்பே, ரத்தத்தின் ரத்தமே,

வணக்கம்.

லக்கிலுக் படத்தினை உங்களுக்கு அறிமுகம் செய்யலாம் என்று நினைக்கும்போது நண்பர் லிமட் அவர்கள் அதனை அவருடைய வலைப்பூவில் வழங்கி விட்டதால் வேறொரு பதிவை இட வேண்டிய கட்டாயம் எனக்கு. இது அவருடைய தவறும் அல்ல. இவ்வாறு கூறுவது என்னுடைய தவறு. இனிமேல் இப்படி கூறாமல் இருக்கிறேன். ஆனால் இங்கே இப்படி கூற காரணம் என்னவெனில் இந்த பதிவில் முக்கியமான படம் எதுவும் இல்லை. மாறாக தொலைக்காட்சி தொடர் ஒன்றுதான் உள்ளது. அதனால் தான் இந்த பீடிகை. தடங்கலுக்கு மன்னிக்கவும்.

நான் முதன்முதலில் படித்த லக்கிலுக் காமிக்ஸ் புரட்சிதீ ஆகும். அருமையான இந்த கதையை படித்தவுடன் எனக்கு லக்கி லுக் மீது ஒரு காதலே வந்து விட்டது. பின்னர் லக்கி லூகின் மற்ற கதைகளை படிக்கும்போது ஒரு விஷயம் எனக்கு நன்கு புரிந்தது.














லக்கி லுக் கதைகளின் வெற்றிக்கு கதை அமைப்பும் துணை பாத்திரங்களும் எவ்வளவு முக்கியம் என்பது அவரை தவிர மற்ற பாத்திரங்களின் வெற்றியை கொண்டே கணிக்கலாம். உதாரணமாக அவரது குதிரை ஜாலி ஜம்பர், ஜோ டால்டன், ஆவரேல் டால்டன், காது கேட்காத கிழவர், ஜெயிலர், மா டால்டன். என்று பல துணை பாத்திரங்களும் சிறப்பாக இருப்பது புரியும்.














தீவிர வாசகர்கள் (கனவுகளின் காதலன்) "நண்பரே, ரின்-டின்-கேன் எங்கே?". என்று கேட்பது எனக்கு நன்றாக கேட்கிறது. நமக்கெல்லாம் ரின்-டின்-கேன் என்ற பெயரில் அறிமுகம் ஆன ரன்-டன்-ப்ளான் தான் இந்த பதிவின் நாயகன் (காமிக்ஸ் டாக்டர் மன்னிக்கவும் - இவர் அந்த நாயகன் ஜே.கே.ரித்தீஷ் இல்லை).

தன்னுடைய நிழலை விட வேகமாக சுடும் வீரன் லக்கி லுக் என்பது நமக்கு தெரியும். அவருக்கு இணையாக செயல் ஆற்றும் திறன் கொண்டது ஜாலி ஜம்பர் என்பதும் நமக்கு தெரியும். ஆனால், ரன்-டன்-ப்ளான்? இதற்க்கு ஏதாவது அடைமொழி உள்ளதா? பன்ச் வசனம் உள்ளதா?












இருக்கிறது, நண்பர்களே இருக்கிறது. "தன்னுடைய நிழலை விடவும் முட்டாள்தனமான ஒரு நாய்" என்பதே இதற்குரிய அடைமொழி. ரன்-டன்-ப்ளான் முதன் முதலில் அறிமுகம் ஆனது பிப்ரவரி நாலாம் தேதி 1960'ம ஆண்டு. இந்த பதிவை இரண்டு வாரங்களுக்கு முன்னர் இட்டு இருந்தால் பொன்விழா ஆண்டு துவக்கம் என்று கூறி தூள் கிளப்பி இருக்கலாம். என்ன செய்வது? தாமதம் என்ற கொடிய வியாதிக்கு நான் ஆளாகி பல மாமாங்கம் ஆகி விட்டதே?













ரன்-டன்-ப்ளான் ஆறுமுகம் ஆனது ஸ்பிரோ என்ற பிரபல பிரெஞ்சு காமிக்ஸ் இதழில் தான். இவர் தோன்றிய கதை Sur la piste des Dalton ஆகும். இது வெளிவந்த நாள் 04-02-1960 ஆகும்.லக்கி லூக்கை உருவாகிய கோச்சினி அவர்களின் மரணதிர்ற்கு சரியாக பத்து வருடங்கள் கழித்து திரு மொரிஸ் அவர்கள் ரன்-டன்-ப்ளான் உடைய தனி கதைகளை வெளியிட முடிவு செய்தார். ரன்-டன்-ப்ளான்'ன் குணாம்சங்கள் என்ன என்று இப்போது பார்ப்போம்:













திடீரென்று பாய்வது (வழமையாக ஜோ டால்டன் அல்லது லக்கிலுக் மீது)

அவ்வாறு பாயும்போது எல்லாம் தவறி கிழே விழிவது

ஆபத்து நேரங்களில் நீரில் குதிப்பது (பின்னர் லக்கிலுக் அவர்களால் முதல் உதவி பெறுவது - ஆம், உலகிலேயே நீந்த தெரியாத ஒரே நாய் இது தான்).













மிகவும் சோம்பேறியாக இருப்பது (கதையின் முதல் கட்டத்தில் யாரவது காலை மிதித்தால் பத்தாவது கட்டத்தில் கத்துவது).

அற்புதமான காவல் நாயாக இருப்பது (சிறையில் இருந்து டால்டன்'கள் தப்பித்தால் பல நாட்கள் கழித்தே தெரிந்து கொள்ளும் அளவிற்கு).

மா டால்டன் அவர்களின் சொல்லுக்கு மட்டும் கீழ் படிவது














மா டால்டன் அவர்களின் சொல்லுக்கு மட்டும் கீழ் படிவது

எதையுமே தவறாக புரிந்து கொள்வது (ஜோ டால்டன் இதனை விளக்க செய்யும் முயற்சியை அன்பின் அடையாளமாக எடுத்து கொள்வது)

ஜாலி ஜம்பர்'ஆல் வியப்புக்கு ஆளாவது (இப்படியும் ஜன்மங்கள் இருக்குமா என்று).














இதுவரையில் மொத்தம் இருபத்தி நான்கு ரன்-டன்-ப்ளான் கதைகள் வெளிவந்தது உள்ளன (கணக்கு சரிதானா கனவுகளின் காதலனே?). அவற்றின் அட்டை படங்களை இங்கு வரிசையாக வழங்கி உள்ளேன். இந்த பதிவை படித்து முடித்து விட்டு பின்னர் ஆற, அமர ஒரு முறை ஒவ்வொரு அட்டை படத்தையும் கூர்ந்து பாருங்கள். ஒவ்வொரு அட்டையும் ஒரு கதை சொல்லும்.













இப்போது இந்த பதவின் சாரம்சத்துக்கு வருவோம். மூன்று வருடங்களுக்கு முன் 2006'இல் பிரெஞ்சு அனிமேஷன் கம்பெனியாகிய ஷிலம் மூன்று குறும்படங்களை ரன்-டன்-ப்ளான்'ஐ கதை நாயகனாக கொண்டு வெளியிட்டது. இதோ அதனை பற்றிய விவரங்கள் இந்த அட்டை படத்துக்கு கீழே:















இப்போது முக்கயுயமான ஒரு விடயத்திற்கு வருவோம்: சமீபத்தில் எங்கேயோ நான் (காமிக்ஸ் டாக்டர் / கிங் விஸ்வா / கனவுகளின் காதலன் / செழி / ரபிஃ) லயன் காமிக்ஸ் இதழில் லக்கி லுக் கதைகளின் உரிமை முடிந்து விட்டது என்று படித்தேன். அது உண்மையானால் ஆசிரியர் விஜயன் அவர்கள் இந்த தொடரை வாங்கி வெளியிடலாமே?

இதில் மற்றுமொரு நல்ல விடயம் உள்ளது. இது ஒரு தனி தொடர் ஆகும். அதனால் இது லக்கி லுக் காமிக்ஸ் என்ற பதிப்பகத்தில் வெளியிடப் பட்டது. அதனால் செலவும் குறைவாகவே இருக்கும்.

மீண்டும் விரைவில் அடுத்த காமிக்ஸ் படம் மூலம் உங்களை சந்திக்கிறேன்.

நன்றிகள் எனக்கும் பாராட்டுகள் நமக்கும்.

Tuesday, February 10, 2009

சிஸ்கோ கிட் - தமிழ்'ல் வந்த ஒரு அருமையான கௌபாய்


கழக கண்மணிகளே, உடன் பிறப்பே, ரத்தத்தின் ரத்தமே,

வணக்கம்.

சென்ற மொக்கை பதிவான ரகசிய ஏஜன்ட் ரஜினிகாந்த் காமிக்ஸ் பலருடைய வரவேற்பை பெற்று இருப்பது கண்டு நான் மிக்கவும் மகிழ்ச்சி அடைந்தேன். அனைவருக்கும் என்னுடைய நன்றிகள். புத்தகத்தை வைத்துக் கொண்டு இருந்தாலும் நினைவுக்கு கொண்டு வர மறந்த நண்பர்  அவர்களுக்கு ஆழ்ந்த அனுதாபங்கள். இந்த கதை தான் என்று கூறிய நண்பர் இளவேனில் அவர்களுக்கு ஒரு பாராட்டு. தொடர்ந்து பின்னுட்டம் இட்டு வரும் அனைத்து தோழர்களுக்கும் நன்றி.

சென்ற பதிவில் கூறியதை வைத்து காமிக்ஸ் தலைவர் அவர்கள் இந்த பதிவின் நாயகனை அனுமானிக்க முயற்சி செய்தார். நல்ல முயற்சி நண்பரே. ஆனால், பதிவின் நாயகன் சிஸ்கோ கிட் ஆவார். இவரை நீங்கள் எப்படி மறந்தீர்கள் என்பது தான் எனக்கு ஆச்சரியமாக உள்ளது.

சிஸ்கோ கிட் பிரபல சிறுகதை எழுத்தாளர் ஒ.ஹென்றி அவர்களால் 1907'ல் உருவாக்கப் பட்ட ஒரு கற்பனை கதாபாத்திரம். இவரின் பின்புலம் என்னவென்றால் சிஸ்கோ கிட் ஒரு மெக்சிகன் கௌபாய் என்பதே. இதோ ஒ.ஹென்றி அவர்களின் புகைப்படம்.
நேரம் கிடைக்கின் தவறாமல் இவரது சிறுகதை தொகுப்புகளை படியுங்கள். அற்புதமான படைப்புகள் அவை. கனவுகளின் காதலன் அவர்கள் என்னுடைய கருத்தை ஆமோதிப்பார் என்று நம்புகிறேன். இவரது கதைகளின் சிறப்பு அம்சம் என்னவென்றால் அவற்றின் முடிவுகள் ஆகும். ஒவ்வொரு கதைக்கும் ஒரு எதிர்பாரா முடிவை வைத்து நம்மை எல்லாம் வியப்பில் ஆழ்த்துவது இவருக்கு கை வந்த கலை ஆகும்.

சிஸ்கோ கிட் என்ற இந்த கதாபாத்திரத்தை மைய்யமாக வைத்து இதுவரையில் மொத்தம் இருபத்தி மூன்று திரைப் படங்களும் ஐந்து தொலைக் காட்சி தொடர்களும் உருவாக்கப் பட்டு உள்ளன. கடைசியாக சரியாக பதினைந்து வருடங்களுக்கு முன்னால் (இதை நான் டைப் செய்யும் தேதி பிப்ரவரி ஆறு) 1994 ஆம் ஆண்டு பிப்ரவரி ஆறாம் தேதி ஒரு தொலைக் காட்சி படம் எடுக்கப் பட்டு ஒளிபரப்பப் பட்டது. அதனை பற்றியதே இந்த பதிவு ஆகும்.

ஆரம்ப கால கட்டத்தில் சிஸ்கோ கிட் கருப்பு வெள்ளை திரைப் படங்களில் மட்டுமே வந்தார் (பெரிய கண்டுபிடிப்பு என்று சிலர் கூறுவது கேட்கிறது). இதோ அந்த அறிய புகைப் படக் காட்சிகள்:


இந்த படங்களை பார்க்கும்போது எனக்கு நம்ம ஊர் ஜேம்ஸ்பாண்ட் திரு ஜெய் ஷங்கர் அவர்களின் பல படங்கள் நினைவுக்கு வருகின்றன. எனக்கு நினைவு தெரிந்த வரையில் தமிழில் எடுக்கப் பட்ட கௌபாய் படங்கள் என்றால் அவை ஜெய் ஷங்கர் அவர்களின் படங்களே (சூப்பர் ஸ்டார் ரஜினி அவர்களும் ஒரு சில கௌபாய் படங்களில் நடித்தார்).

பின்னர் காலப்பயணத்தில் கருப்பு வெள்ளை படங்கள் கலர் படங்களாக மாறின. இதோ அவற்றில் சில படங்கள்: இந்த படங்களை பார்த்தல் எனக்கு ஹிந்தி நடிகர் ராஜ் கபூர் (கரீனா கபூரின் தாத்தா) நினைவுக்கு வருகிறார். முதல் படத்தில் இருக்கும் நங்கை நடிகை பூஜாவை நினைவு படுத்துகிறார் (நான் கடவுள் பூஜாவை அல்ல).அதற்க்கு முந்தைய படங்களில் அழகாக இருக்கும் நடிகை பூஜாவை (ஜித்தன், ஜே ஜே, அட்டகாசம்)

மொக்கையாக இருக்கும் சிஸ்கோ படங்களும் உண்டு என்பதற்கு ஒரு நல்ல உதாரணம்
இந்த கால கட்டத்தில் வந்த சிஸ்கோ கிட் படங்கள் மிகவும் சிறந்தவையாக கருதப் படுகின்றன.
முதன் முதலில் சிஸ்கோ கிட் ஒரு காமிக்ஸ் கதையில் தோன்றியது 1944'இல் ஆகும். அந்த காமிக்ஸ் பதிப்பகத்தின் பெயர் பெய்லி ஆகும். ஆனால் ஒரே ஒரு இதழுடன் அந்த தொடர் நின்று விட்டது. பின்னர் 1950'இல் பிரபல டெல் காமிக்ஸ் நிர்வாகத்தினர் இந்த கதை தொடருக்கு புத்துயிர் கொடுத்து 41 கதைகளை தொடர்ந்து எட்டு வருடங்கள் வெளியிட்டனர்.
ஆனால் சிஸ்கோ கிட் காமிக்ஸ் கதைகளின் பொற்காலம் (நண்பர் சண்டைக்கு வரவேண்டாம்) என்று கூறப்படும் காலம் 1961 முதல் 1967 வரைதான். எனென்றால் அப்போதுதான் மிகவும் புகழ் பெற்ற ஜோஸ் லுயிஸ் சாலினாஸ் என்பவர் தன்னுடைய அற்புதமான சித்திரங்களால் பலரின் மனதை கொள்ளை கொண்டார். நண்பர்களுக்கு தெரிந்து இருக்கும் : ஒரு கதையை ஒரே ஒருவர் மட்டும் வரைவது கிடையாது. பலர் வரைவார்கள் ஆனால், ராட் ரீட்'ஐ தவிர வேறு யாருமே சிஸ்கோ கிட் என்று கூறும்போது நமது நினைவுக்கு வர மறுப்பார்கள். அது தான் ஜோஸ் லுயிஸ் சாலினாஸ் அவர்களின் சிறப்பு அம்சம்.

முத்து காமிக்ஸ் தான் சிஸ்கோ கிட் காமிக்ஸ் கதைகளை முதலில் வெளியிட்டது என்று நினைத்தால் அது தவறு ஆகும். ஏனென்றால் மாலைமதி காமிக்ஸ் A.F.I என்ற காமிக்ஸ் நிறுவனத்தினர் சிஸ்கோ கிட் கதைகளை வெளியிட்டு விட்டனர். இந்த காமிக்ஸ் பற்றி கூற எனக்கு போதிய அனுபவம் இல்லாததால் அவற்றை டீலில் விட்டு விட்டு மாற்ற கதைகளை பற்றி பார்போம்.

மாலைமதி காமிக்ஸ் நிறுவனத்தினர் முதலில் மாதம் இருமுறையும் பின்னர் வாரம் ஒருமுறையும் காமிக்ஸ்'களை வெளியிட்டனர். அவற்றில் முறையே
இண்டேர்பால் ஜானி ஹஸார்ட்
ரிப் கிர்பி
பிலிப் காரிகன்
கிஸகோ கிட் (ஆம், சிஸ்கோ கிட்'ஐ தான் அப்படி வெளியிட்டனர்)
ஆகிய நால்வரின் கதைகளே பெரும்பான்மையாக வரும்.
பின்னர் முத்து காமிக்ஸ் நிர்வாகத்தினர் சிஸ்கோ கிட் கதைகளை வெளியிட ஆரம்பித்தனர் (அந்த கால கட்டத்தில் மாலைமதி காமிக்ஸ் வருவது நின்று விட்டது). முத்து காமிக்ஸ் இதழ்களில் வந்த சிஸ்கோ கிட் கதைகள் பலவும் அருமையாக இருக்கும். என்னிடம் இப்போது பழைய இதழ்கள் இல்லாததால் திரு முத்து விசிறியின் வலை தளத்தில் இருந்து சிஸ்கோ கிட் தோன்றும் ஒரு அட்டைப் படம் இதோ உங்களின் மேம்பட்ட பார்வைக்கு:
பின்னர் ராணி காமிக்ஸ் நிர்வாகத்தினர் சிஸ்கோ கிட் கதைகளை சூப்பர் ஸ்டார் டிஸ்கோ என்ற பெயரில் வெளியிட ஆரம்பித்து சிஸ்கோ கிட் மீது எனக்கு இருந்த மரியாதையை அறவே ஒழித்து விட்டனர் (நன்றி - திரு அ.மா.சாமி). ஆவியின் கீதம் என்ற பெயரில் வந்த முத்து காமிக்ஸ் கதையை ராணி காமிக்ஸ் பேய் மனிதன் என்ற பெயரில் "கொத்து பரோட்டா" செய்த விதத்தை நண்பர் முத்து விசிறி அவர்கள் இங்கே தெளிவாக விவரிக்கிறார். படித்து உணருங்கள்.
இப்போது இந்த பதிவின் மைய்ய கரு (1994'இல் வந்த கடைசி சிஸ்கோ கிட் படம்) பற்றி பார்போம். படம் பற்றிய விபரங்கள்:

படம் பெயர் : சிஸ்கோ கிட்

வெளியான நாள்: பிப்ரவரி ஆறு, 1994.

இயக்குனர் : லுயஸ் வால்டெஸ்
கதை : மைகேல் கேன்
படம் ஓடும் நேரம் : நூறு நிமிடங்கள்
திரையிடப் பட்ட சேனல் : T.N.T
நேரம் மாலை எட்டு மணி முதல் பத்து மணி வரை

கதை நாயகன் சிஸ்கோ கிட் : ஜிம்மி ஸ்மித்ஸ்
தோழன் பாஞ்சோ : சீஸ் மரின்
கதை நாயகி சாடி பிராஸ்ட் : டாமினிக்
கர்னல் டேலக்ரைஸ்: ரான் பெர்ல்மான்
படம் பற்றிய இணைய தள விவரங்களை கீழ் காணும் தளங்களில் பார்க்கலாம்.

விக்கிபீடியா

ஐ.எம்.டீ.பி
மீண்டும் விரைவில் அடுத்த காமிக்ஸ் படம் மூலம் உங்களை சந்திக்கிறேன்.

நன்றிகள் எனக்கும் பாராட்டுகள் நமக்கும்.

Tuesday, February 3, 2009

ரகசிய ஏஜன்ட் ரஜினிகாந்த் காமிக்ஸ்

கழக கண்மணிகளே, உடன் பிறப்பே, ரத்தத்தின் ரத்தமே, வணக்கம்.

சென்ற பதிவான முன்னோட்டம் - ரகசிய ஏஜன்ட் ரஜினிகாந்த் காமிக்ஸ் பலருடைய வரவேற்பை பெற்று இருப்பது கண்டு நான் மிகவும் மகிழ்ச்சி அடைந்தேன். அனைவருக்கும் என்னுடைய நன்றிகள். குறிப்பாக கும்மி அடித்து விளையாடிய பதிவர்களுக்கு. இருந்தாலும் யாராலும் சரியான விடையை கண்டு பிடிக்க முடியவில்லை என்பது சற்று வருத்தமான விடயமே.

குறிப்பாக நம்முடைய காமிக்ஸ் பதிவர்கள். இருந்தாலும் இது ஒரு மொக்கை கதை என்பதாலும் வெளி வந்த இதழும் ஒரு மொக்கை (ஆகி விட்ட) இதழ் என்பதாலும் தான் இந்த தேக்கம் என்பது என்னுடைய கருத்து.

இந்த கதை சிறுவர் இதழ் பூந்தளிர்'ல் வெளிவந்தது. ஆனால், இந்த கதை வெளி வந்த போது திரு வாண்டுமாமா அவர்கள் இறைவனடி சேர்ந்து விட்டதால் ரூபன் என்பவர் தான் பொறுப்பு ஆசிரியர் ஆக இருந்தார். அவரை குறை ஏதும் சொல்ல இயலாது. எனென்றால் ஒரு மகத்தான மனிதரை யாராலும் அவ்வளவு சுலபத்தில் REPLACE செய்ய இயலாது (இதற்கான தமிழ் வார்த்தை என்ன?). முடியுமா என்ன?

இந்த கால கட்டத்தில் வெளிவந்த பூந்தளிர் இதழ்கள் யாவும் சுமாராகவே இருக்கும். இந்த கதை ஒரு சிறப்பான மொக்கை கதை ஆகும். ரஜினி காந்த் அவர்கள் அடுத்து அடுத்து மொக்கை படங்களை கொடுத்து வந்த வேளையில் (பாண்டியன், உழைப்பாளி,ETC) தான் இந்த காமிக்ஸ்'ம் வந்தது. இதற்காக கதை ஆசிரியர்கள் எந்த காபிரெய்ட் உரிமையையும் பெற்று இருக்க மாட்டர்கள் என்பது என்னுடைய எண்ணம். இப்போது இது நடக்காது. எனென்றால் திரு சௌந்தர்யா ரஜினி காந்த் அவர்கள் சூப்பர் ஸ்டார் அவர்களை காபிரெய்ட் செய்து விட்டார்கள். இதனை நமது தலை சிறந்த காமிக்ஸ் நண்பர் எப்படி கவனிக்காமல் விட்டார்?

இதன் மூலம் ஹிந்தி மொழியில் வெளிவந்த ஸ்டார் காமிக்ஸ் ஆகும். இந்த புத்தகத்தில் ஹிந்தி சூப்பர் ஸ்டார் திரு அமிதாப்பச்சன் அவர்களை ஒரு காமிக்ஸ் நாயகனாக கொண்டு பல கதைகள் வந்தன. இதில் அவர் பெயர் சுப்ரீமோ ஆகும்.



இனிமேல் இப்படி மொக்கை பதிவு போடாமல் ஒரு சிறந்த காமிக்ஸ் சார்ந்த படத்தை பற்றி அடுத்த பதிவில் இடுகிறேன். ராணி காமிக்ஸ், பழைய முத்து காமிக்ஸ் ரசிகர்களுக்கு அது ஒரு விருந்தாக இருக்கும் என்பதில் எனக்கு சந்தேகம் இல்லை.

நன்றிகள் எனக்கும் பாராட்டுகள் நமக்கும். மீண்டும் சந்திப்போம். விரைவில்.






Related Posts Widget for Blogs by LinkWithin