முன்னோட்டம் - ரகசிய ஏஜன்ட் ரஜினி

கழக கண்மணிகளே, உடன் பிறப்பே, ரத்தத்தின் ரத்தமே,

வணக்கம்.

சமீபத்தில் நான் என்னுடைய புதிய வீட்டிற்கு குடி பெயர்ந்தபோது பல பெட்டிகளை ஆராய்ந்ததால் நிறைய நேரம் செலவானது. ஆனால், அந்த நேரம் மிகவும் பயனுள்ளதாக இருந்தது. ஏனெனில், பல பழைய புத்தகங்கள் சிக்கின. அவற்றில் ஒன்று மிகவும் அதிசயதக்க வகையில் இருந்தது.

ஒரு மாதத்திற்கு முன் கிங் விஸ்வா அவர்களின் பதிவில் காந்தி அடிகளை பற்றி காமிக்ஸ் வருவதாக எழுதி இருந்தார். அதன் பின்னுட்ட பகுதியில் ஜோஸ் அவர்கள் ரஜினி அவர்களை மைய்யமாக கொண்ட ஒரு நாவலை பற்றி எழுதி இருந்தார். அவரும் காமிக்ஸ் பற்றி கேட்டு இருந்தார். (ரஜினியை கதாநாயகனாக கொண்டு ஒரு நாவல் வெளிவந்தது. காமிக்ஸ்ம் கூடவா? ஆனால் நாவல் முயற்சி வெற்றி பெற வில்லை) என்பதே அவரின் பின்னுட்டம். இதோ அந்த பதிவின் சுட்டி: கிங் விஸ்வா.

தற்பொழுது காமிக்ஸ் வலை பூக்களில் முன்னோட்டம் அளிப்பது வழமையாக உள்ளது. கிங் விஸ்வா அவர்களும், ரபிஃ ராஜா அவர்களும், ஒலக காமிக்ஸ் ரசிகனும் சைடு பார்'இல் முன்னோட்டம் பகுதியை வைத்து உள்ளனர். ஆனால், திரு கனவுகளின் காதலன் அவர்கள் இவர்களை எல்லாம் விட ஒரு படி முன்னே போய் முன்னோட்டம் இடுவதையே ஒரு பதிவாக போட்டு நம்மை எல்லாம் அசத்துகிறார். அதனால், நானும் என் பங்கிற்கு ஒரு முன்னோட்டம் இடுகிறேன்: ரகசிய ஏஜன்ட் ரஜினி.

இந்த கதை எந்த இதழில் வெளி வந்தது என்பதே ஒரு போட்டி கேள்வி ஆகும். பல விஷயங்களில் சிறந்து விளங்கும் காமிக்ஸ் டாக்டர், முத்து விசிறி, கிங் விஸ்வா, ராஜா, கனவுகளின் காதலன், ஜோஸ், ஒலக காமிக்ஸ் ரசிகன் போன்றவர்களின் காமிக்ஸ் அனுபவத்திற்கு இதெல்லாம் சர்வ சாதரணம் என்பதை நான் நன்கு அறிவேன். இருந்தாலும் இது என்னுடைய கன்னி முயற்சி என்பதால் மன்னிக்கவும்.

நன்றிகள் எனக்கும் பாராட்டுகள் நமக்கும். மீண்டும் சந்திப்போம். விரைவில்.

மதி இல்லா மந்திரி (அ) இஸ்நோகுட் - ஒரு அரசியல் வித்தகர்

கழக கண்மணிகளே, உடன் பிறப்பே, ரத்தத்தின் ரத்தமே,

வணக்கம். அனைவருக்கும் எனது குடியரசு தின நல்வாழ்த்துக்கள். இரத்தப் படலம் என்ற அற்புதமான கதையை தழுவி எடுக்கப் பட்ட ஒரு தொலைக் காட்சி தொடரை பற்றி நான் பதிவிட இருந்தேன். ஆனால் நமது காமிக்ஸ் உலகின் முடி சூடிய மன்னர் கிங் விஸ்வா அவர்கள் அதனை பற்றி அனைத்து தகவல்களுடன் பதிவிட்டு விட்டதால், நான் வேறு ஒரு பதிவிட வேண்டிய அவசியம் ஏற்பட்டு விட்டது.

நான் மற்ற வலை ரோஜாக்களில் (நன்றி - பங்கு வேட்டையர்) கமெண்ட் இடுவது இல்லை என்ற ஒரு (உண்மையான) குற்றசாட்டு இருப்பது உங்கள் அனைவருக்கும் தெரியும். ஆனால் நான் என்னுடைய வீட்டின் கட்டுமான பணியில் ஈடுபட்டு இருந்ததால் எந்த வலைப் பதிவையும் என்னால் படிக்க இயலவில்லை. மன்னிக்கவும்.

இந்த பதிவை நான் சற்று அவசரத்தில் இடுவதால் தீர்கமாக ஆராய இயலவில்லை. மன்னிக்கவும். நம்முடைய மினி லயன் காமிக்ஸ் புத்தகத்தில் வர வேண்டிய ஒரு கதை ஆகும். ஆனால் அந்த புத்தகம் நின்று விட்டதால் லயன் காமிக்ஸ்'ல் இந்த அற்புதமான கதாபாத்திரம் தோன்றினார்.

இந்த கதாபாத்திரத்தை உருவாக்கியவர் நமக்கு எல்லாம் நன்கு பரிச்சயம் ஆன ஆஸ்ட்ரிக்ஸ் மற்றும் லக்கிலுக் ஆகிய பாத்திரங்களின் மூலகர்த்தா கோச்சினி ஆவார். ஆனால் இந்த தொடருக்கு படம் வரைந்தது ஜான் டபரி என்பவர் ஆவார். 1961ல் ரெகார்ட் என்ற இதழில் தான் முதன் முதலில் மதி இல்லா மந்திரி தோன்றினார். சில வருடங்கள் பின், ரெகார்ட் இதழ் நின்று விட்டது. அதனால் இரு வருடங்கள் வராமல் இருந்த மதி இல்லா மந்திரி தொடர் பின்னர் 1968ல் பைலட் என்ற மாத இதழ் மூலம் மீண்டும் தொடங்கப்பட்டது.

இந்த தொடரின் ஆரம்பமே ஒரு நம்ப முடியாத கதை ஆகும். முதலில் ஒரு துப்பறியும் காமெடி கதையை தான் இந்த இருவரும் இணைந்து வெளியிடுவதாக இருந்தது. ஆனால், சிறுவர்களுக்கான ஒரு சம்மர் கேம்பில் மத்திய வேலையில் கூறப்பட்ட ஒரு சிறுவர் கதையின் ஆரம்ப வரிகளை கொண்டே இந்த கதை எழுதப்பட்டது என்பது பலருக்கு தெரியாது.
கோச்சினி இருக்கும் வரை வெளி வந்த கதைகள் 13 ஆகும். அவர் இயற்கை எய்த பின் டபரி வெளியிட்ட கதைகள் 14 ஆகும். ஆக மொத்தம் மதி இல்லா மந்திரியின் கதைகள் மொத்தம் 27 ஆகும். இதை தவிர 1995'இல் புருனோ பியாங்கி'இன் இயக்கத்தில் ஒரு கார்டூன் தொடரும் வெளிவந்தது.
கோச்ச்சினி எழுதிய கதைகள் அனைத்தும் மற்ற மொழிகளில் மொழிமாற்றம் செய்ய இயலாததாக கருதப் பட்டது. ஏனெனில் இந்த கதைகளில் உள்ள நகைச்சுவை அனைத்தும் வார்த்தை விளையாட்டுகளால் நிறைந்தவை. எனவே இவற்றை தமிழில் (எனக்கு தெரிந்த வரை ஆசியாவில்) முதன் முறையாக மொழி மாற்றம் செய்து அற்புதமாக கொண்டு வந்த திரு விஜயன் அவர்களை என்றென்றும் மறக்க இயலாது.

இயக்குனர் : Patrick Braoudé
படம் வெளியானது: 9 February 2005
இஸ்நோகுட் : Michaël Youn
சுல்தான் ஹாருன் : Jacques Villeret
இஸ்நோகுட்'ன் அடிமை : Arno Chevrier

மதி இல்லா மந்திரியின் பொக்கிஷக் கூடம் : பிரத்யேக வலை தளம்

மதி இல்லா மந்திரி படம் டவுன்லோட் செய்ய: இந்த பக்கம் பாருங்கோ
மதி இல்லா மந்திரி பட விபரங்கள் பற்றி அறிய: இங்கு வாருங்கள்
மதி இல்லா மந்திரி விபரங்கள் டவுன்லோட் செய்ய : இங்கு குத்துங்கள் மதி இல்லா மந்திரி டவுன்லோட் செய்ய: இங்கே கிளிக் செய்யவும்
மதி இல்லா மந்திரி காமிக்ஸ் டவுன்லோட் செய்ய: இங்கே கிளிக் செய்யவும்

இந்தப் படத்தை வாய்ப்பு கிடைப்பவர்கள் தவறாது பார்க்குமாறு கேட்டுக் கொள்கிறேன். மறக்காமல் உங்கள் மேலான கருத்துக்களை பின்னூட்டமாக இட்டுச்செல்லுங்கள். இந்தப் பதிவை பொறுமையுடன் படித்ததற்கு நன்றி!

நன்றிகள் எனக்கும் பாராட்டுகள் நமக்கும். மீண்டும் சந்திப்போம். விரைவில்.

டேன்ஜர் டையபாலிக் - லயன் காமிக்ஸ் அறிமுகம் செய்து வைத்த அற்புத ஹீரோ

கழக கண்மணிகளே, உடன் பிறப்பே, ரத்தத்தின் ரத்தமே,

வணக்கம்.

அனைவருக்கும் எனது புத்தாண்டு மற்றும் பொங்கல் நல்வாழ்த்துக்கள். இந்த பதிவில் நான் கூறப் போகும் புத்தகம் சற்று வித்தியாசமான ஒன்று ஆகும். சில கதாநாயகர்கள் பல கதைகளில் வந்தாலும் நம்முடைய மனதை கவர மாட்டர்கள் (உதாரணம் - பெருச்சாளி பட்டாளம்). ஆனால் சில கதை நாயகர்கள் ஒரே ஒரு கதையில் வந்தாலும் அவர்களின் தாக்கம் நம்முடைய மனதில் என்றென்றும் நிலைத்து நிற்கும். அந்த வரிசையில் எனக்கு பல நாட்களாக ஒரே ஒரு கதை நாயகனை பற்றியே எண்ணம்: அவர் தான் டேன்ஜர் டையபாலிக். இந்த கதை லயன் காமிக்ஸ்'ன் நாற்பத்தி இரண்டாவது இதழில் வந்ததாக நினைவு. என்னிடம் உள்ள புத்தகம் மிகவும் சிதிலமடைந்த நிலையில் உள்ளதால் புத்தக எண்ணை சரி பார்க்க இயலவில்லை.


இத்தாலியின் மிலன் நகரை சேர்ந்த கியுஸ்ஸாநி சகோதரிகள் (ஏஞ்சலா மற்றும் லுசியானா கியுஸ்ஸாநி) தான் இந்த டேன்ஜர் டையபாலிக் என்ற கதைநாயகனை உருவாக்கியவர்கள். அறுபதுகளில் (1961-62) இத்தாலியில் மிகவும் புகழ் பெற்ற புமேட்டோ நீரோ - Fumetto Nero (இருண்ட சித்திரக் கதைகள் - Black Comics) என்ற வரிசையில் டேன்ஜர் டையபாலிக் தான் முதன்மையானவர். இதன் பின்னர் பல எதிர் நாயகர்கள் தோன்றினர்.

நீங்கள் கூர்ந்து கவனித்தால், குற்ற அரசன் ஸ்பய்டர் (Spider) கூட டேன்ஜர் டையபாலிக் போலவே தோன்றுவார்.ஆனால், இந்த கதையும் வேறு ஒரு கதையில் இருந்து தழுவப்பட்டது தான். ஆம், 1912'ல் பிரான்ஸ் நாட்டில் இருந்து வெளியான பாண்டோமாஸ் (Fantomas) என்ற படத்தின் நாயகனின் தழுவலே டேன்ஜர் டையபாலிக் ஆகும். இந்த படத்தின் இயக்குனர் லூயிஸ் பியுலாடே ஆவார். இதை பற்றி ஏன் முத்து விசிறி தனியே ஒரு பதிவு இடக்கூடாது? இதோ அந்த புத்தகத்தின் முதல் இதழின் அட்டைப் படம். இந்த புத்தகம் மிகவும் அரிய புத்தகம் ஆகும் (எப்படி நம்முடைய முத்து காமிக்ஸ்'இன் முதல் இதழ் ஒரு கிடைத்தற்கரிய புத்தகமோ அதைப்போல).

Diabolik Comics Cover - First Issue
இதோ உங்கள் பார்வைக்கு பல டேன்ஜர் டையபாலிக் இதழின் அட்டைப் படங்கள்:

Diabolik Comics Cover 1

Diabolik Comics Daily Calendar Cover 2

Diabolik Comics Cover 3

Diabolik Comics Cover 4

Diabolik Comics Cover 5

Diabolik Comics Cover 6

Diabolik Comics Cover 7

Diabolik Comics Cover 8
என்னுடைய புத்தகத்தின் நிலைமை மிகவும் மோசமாக இருப்பதாலும், மேலும் அந்த பக்கங்களை ஸ்கான் செய்து வெளி இட்டால் லயன் காமிக்ஸ் தரப்பில் இருந்து ஆட்சேபனை வெளிவரலாம் என்பதாலும் நான் டேன்ஜர் டையபாலிக் கதையின் ஸ்கான்'களை இடவில்லை. மன்னிக்கவும்.

இந்த டேன்ஜர் டையபாலிக் கதையின் இத்தாலிய புத்தகத்தின் சில பக்கங்கள் உங்களின் மேம்பட்ட பார்வைக்கு:

Diabolik Comics Inner Page 1

Diabolik Comics Inner Page 2

Diabolik Comics Inner Page 3

Diabolik Comics Inner Page 4

Diabolik Comics Inner Page 5

Diabolik Comics Inner Page 6

வழமை போல இந்த பதிவும் காமிக்ஸ் சம்பத்தப் பட்ட ஒரு படத்தை பற்றியது தான். ஆம், அறுபதுகளில் வெளிவந்த மிகப் புகழ் பெற்ற படம் டேன்ஜர் டையபாலிக். இந்த படத்தை திரு மரியோ பாவா அவர்கள் 1968'இல் இயக்கினர். இதோ, அந்தப் படத்தின் விளம்பர போஸ்டர். கண்டு களியுங்கள் நண்பர்களே.

Diabolik Movie Teaser Poster

படத்தின் மற்றும் பலவிதமான போஸ்டர்கள். இவை எல்லாம் சற்று கடினமான தேடலிலும் நண்பர் ஒருவரின் உதவியாலும் எனக்கு கிடைத்தவை.

Diabolik Movie Poster 1

Diabolik Movie Poster 2

Diabolik Movie Poster 3

இந்த படம் டீவீடி'யாகவும் வெளிவந்தது. இதோ அவற்றின் விபரங்கள்:

Diabolik DVD Cover 1

Diabolik DVD Cover 2
படத்தின் ஏனைய விபரங்கள்:
Directed by : Mario Bava
Produced by : Dino De LaurentiisBruno Todin
Written by : Mario BavaBrian DegasTudor GatesDino Maiuri
Starring : John Phillip LawMarisa MellMichel PiccoliTerry-Thomas
Music by : Ennio Morricone
Cinematography : Antonio RinaldiMario Bava (uncredited)
Editing by : Romana Fortini
Distributed by : Paramount Pictures
Release date(s) : January 24, 1968
Running time : 100 min
Country : Italy/United States
Language : ItalianEnglish

படத்தின் ஆரம்ப காட்சிகளில் டேன்ஜர் டையபாலிக் தோன்றும் கட்டம் எனக்கு பிடித்தமான ஒன்றாகும். இதோ, அவருடைய பல கருப்பு உடைகளில் ஒன்று.

டேன்ஜர் டையபாலிக் ஸ்பீட் போட்'ல் தப்பிக்கும் காட்சி மயிர் கூச்செறிய வைக்கும்.

டேன்ஜர் டையபாலிக் பதுங்கி இருக்கும் இடம் இது தான். செயற்கை ஆக உருவாக்கப்பட்ட புல் தரையை பாருங்கள். என்ன ஒரு புத்திசாலித்தனம்?

அந்த பதுங்கு தளத்தின் உள்ளே இந்த விஞ்சான விந்தையை காணுங்கள். கதவுகளும் பாறை போலவே இருக்கின்றன. இதை எல்லாம் பார்க்கும் பொது மந்திரவாதி மாண்டிரெக் தான் நினைவில் வருகிறார். அவருடைய அரண்மனையும் இப்படி தான் பல தடைகளை மீறி இருக்கும்.

டேன்ஜர் டையபாலிக் உடைய காதலி ஈவா கான்ட் இவர் தான். இவர் பல முறை டேன்ஜர் டையபாலிக்'கை காப்பாற்றி இருக்கிறார். பல வித்தியாசமான சிகை அலங்காரத்தில் வந்து ஏமாற்றுவது இவருக்கு கை வந்த கலை.

இந்த பதுங்கு தளம் பல உள்-கட்டுமானங்களை கொண்டது. இதை எல்லாம் பார்க்கும் போது எனக்கு தோன்றுவது ஒரே ஒரு கேள்விதான்: இதை யார் கட்டி இருப்பார்கள்? யார் அந்த மேஸ்திரி? கொத்தனார்கள் யார், யார்? சித்தாள்கள் யார், யார்? அவர்கள் யாருமே ஒரு கேள்வி கூட கேட்க வில்லையா? (அதைப் போல பேட்மேன் இருப்பிடமும் என்னுடைய கேள்விக் கணையில் உள்ளது).

இந்த ரகசிய லாக்கர் தான் டேன்ஜர் டையபாலிக்'கின் பல பொக்கிஷங்களை உள்ளடக்கியது. இதில் உள்ள சிறப்பு அம்சம் என்ன வென்றால், சுழலும் சக்கரம் ஆகும். அதனை விளக்கும் தமிழ் ஆளுமை எனக்கு இல்லாததால் தயவு செய்து இந்த படத்தை டவுன்லோட் செய்து பார்க்கும் படி கேட்டுக் கொள்கிறேன்.

இது அவரின் குளியலறை. இங்கு போட்டோ'வில் எந்த மாற்றமும் செய்யவில்லை. முன்கூட்டியே சமயோசிதமாக "தக்க" இடங்களில் கண்ணாடியே தெளிவாக பார்க்க முடியாதமாறு செய்துள்ளார்.

இந்த குளியலறை பெண்கள் மற்றும் ஆண்கள் என்று இரண்டு வகையில் கட்டப் பட்டு உள்ளது. கூர்ந்து நோக்கினால் தெரியும், என்ன வித்தியாசம் என்று.

மிகப் பெரிய சுழலும் படுக்கை-மெத்தை இது. திருடப்பட்ட பணத்தை எப்படி இறைத்து விளையாடுகின்றனர் பாருங்கள்.

இது தேவை இல்லாமல் வரும் ஒரு கிளப் காட்சி.

பின்னர் தொலைக்காட்சி பார்த்து கொண்டு இருக்கும்போது அதில் விலை உயர்ந்த ஒரு வைர நேக்லேஸ் பற்றி ஒரு செய்தி வருகிறது. அதை கண்டவுடன் டேன்ஜர் டையபாலிக்'கின் காதலி அதனை அடைய துடிக்கிறாள்.

இதோ டேன்ஜர் டையபாலிக் கிளம்பி விட்டார் அதை கொள்ளை அடிக்க.

இதோ, டேன்ஜர் டையபாலிக் உடன் அவர் காதலியும் கொள்ளை அடிக்க ரெடி ஆகி கிளம்பி விட்டனர்.

அந்த வைரங்கள் இந்த கோபுரத்தில் தான் வைக்கப்பட்டு உள்ளன. இதோ, டேன்ஜர் டையபாலிக் விசேட கையுறை அணிந்து உள்ளே நுழைந்து விட முயற்சி செய்கிறார்.

டேன்ஜர் டையபாலிக் உள்ளே நுழைந்து விட்டார்.

வைரங்களை கொள்ளை அடித்து விட்டு ஓடும்போது அவரை எதிரிகள் பார்த்து விட்டனர். அதனால் தப்பிக்க முயற்சி செய்கின்றனர்.

இந்த சாதனத்தை உபயோகப்படுத்த முயற்சி செய்கின்றனர்.

டேன்ஜர் டையபாலிக்'கின் காதலியை எதிர் கும்பல் ஆட்கள் கடத்தி கொண்டு சென்று விடுகின்றனர். அதனால் டேன்ஜர் டையபாலிக் அவர்களை நேருக்கு நேர் சந்திக்க வேண்டிய சூழல் உருவாகிறது.

இந்த கட்டத்துக்கு பின்னர் கடும் சண்டை நடக்கின்றது. டேன்ஜர் டையபாலிக் இறந்தது போல நடித்து எதிரிகாய் ஏமாற்றி விடுகிறார். பின்னர் பிணவறையில் அவர் தன்னுடைய மூச்சை அடக்கும் கலை மூலம் உயிர் பெற்று தப்பித்து விடுகிறார்.

அந்த துணிகர கட்டத்திற்கு பின்னர், போலிஸ் படை அவரை பிடிக்க ஒரு சிறப்பு திட்டம் இடுகின்றனர். அதன் அடிப்படை என்னவென்றால் ஒரு ரயில் முழுவதும் தங்கம் உள்ளடக்கி வருகின்ற செய்தியை போலீசார் பரப்புகின்றனர். அதனை டேன்ஜர் டையபாலிக் கைப்பற்றியதும் அவரின் ரகசிய மறைவிடத்தை கண்டு பிடிக்கவே இந்த சதி வேலை. டேன்ஜர் டையபாலிக் அந்த தங்க ரயிலை கைப் பற்றி விடுகிறார்.

இந்த தங்க ரயிலை திறக்க முடியாததால், அதனை உருக்கி எடுக்க டேன்ஜர் டையபாலிக் முயற்சி செய்கிறார்.

திடீரென்று போலீசார் வரும் சத்தம் கேட்கிறது. அந்த தங்க ரயில் ஒரு பொறி ஆகும். அதனுள்ளே மறைத்து வைக்கப் பட்டு இருந்த ரகசிய ட்ரான்ஸ்மீடர் மூலம் போலீசார் அங்கு வருகின்றனர்.

உயர் அழுத்தம் காரணமாக அந்த தங்க ரயில் வெடித்து தங்கம் கரைந்து விடுகிறது.

தங்கத்தில் உறைந்த டேன்ஜர் டையபாலிக்'கை போலீசார் அவர் இறந்து விட்டதா நினைத்து விட்டு விட்டு செல்கின்றனர். ஆனால் அவர் தன்னுடைய காதலியை பார்த்து கண் சிமிட்டுவதாக படம் முடிவடைகின்றது. அதன் மூலம் இது டேன்ஜர் டையபாலிக்'கின் மற்றுமொரு தப்பிக்கும் யுத்தி என்பது தெளிவாக புரிகின்றது.

படத்தை பற்றிய மற்ற தகவல்கள்:

IMDB Movie Link

You Tube Link of Diabolik

Online download diabolic

Online download diabolic 2

Online download diabolic 3

Complete books

Movie comics

இந்தப் படத்தை வாய்ப்பு கிடைப்பவர்கள் தவறாது பார்க்குமாறு கேட்டுக் கொள்கிறேன். மறக்காமல் உங்கள் மேலான கருத்துக்களை பின்னூட்டமாக இட்டுச்செல்லுங்கள். இந்தப் பதிவை பொறுமையுடன் படித்ததற்கு நன்றி!
இது போன்ற பதிவுகளை மேலும் தொடரலாமா என கருத்துரையிடுங்களேன்? தயவு செய்து உங்களின் கருத்துகளை பதிவு செய்து கழக கண்மணிகளாக மாறுங்கள்.

நன்றிகள் எனக்கும் பாராட்டுகள் நமக்கும். இப்போதைக்கு அவ்வளவுதான், மீண்டும் சந்திப்போம். விரைவில்.